!

مبقاش فى ذرة تحمل كل مرة بقول ادينى بتحمل وساكتة وبكمل

أقول انا هعيا وبردو بفضل مستحملة لكن بجد أنا النهاردة وصلت للى كنت خايفة منه

انا بجد عيت ..إنهيار عصبى رعشة فى الأيد فى القلب حاسة إن إحساسى بيتنفض 

الوجع بيتسرب من كل حته فيا ..دماغى بتلف جسمى بينمل فجأة وأنا بتكلم
ألم فظيع فى معدتى ..نغزه فى القلب بدون أى مقدمات ..

أول مرة أحس أنى خايفة كده وأول مرة أتعب كده 

مش عاوزة اتكلم ومش عاوزة أشوف حد ومش عاوزة اسمع اى دوشة جمبى

حتى خايفة اعدى من قدام مراية فـ المح نفسى فيها

حاسة أنى بقيت غريبة مش قريبة ساكنة فيا وعارفة طبعى وشايله همى

حتى الدموع مش راضية تنزل ..هو الوجع بيختار طريقه وامتى يتكلم وامتى يسكت

ويسكن فين ويبوح ولا يفضل جوا قلبى جرح ينزف

حتى الكلام مبقاش فى عندى طاقة للكلام !! 

*ربى لك الحمد قبل الرضا ولك الحمد حتى ترضى ولك الحمد بعد الرضا.


بتاريخ 23\10\2012
الساعة 6 الصبح